У Міжнародны дзень роднай мовы 21 лютага 2017 года вучні 7 класаў завіталі ў госці да юнацкага аддзела ўстановы культуры «Магілёўская абласная бібліятэка ім. У. І. Леніна» і прынялі ўдзел у гадзіне роднай мовы “Мова – ключ да дзвярэй у свет”.

У сучасным грамадстве няма таго асяроддзя, у якім бы развівалася наша мова. Што ж рабіць у гэтым выпадку? Выхад, на мой погляд, у тым, каб фарміраваць бытавыя паняцці. 22 лютага 2017 года, у рамках Тыдня беларускай мовы, перад святам абаронцаў Айчыны, у 1 “Б” класе вучні рабілі віншавальную паштоўку для тат, карыстаючыся інструкцыяй на беларускай мове.