Прайшоў «Святочны кірмаш»
У чарговы беларускі чацвер, 6 сакавіка 2025 года, у дзяржаўнай установе адукацыі » Сярэдняя школа 22 г. Магілёва» прайшоў «Святочны кірмаш».
Свята арганізавала творчая група настаўнікаў беларускай мовы і літаратуры. Прысмакі, пачастункі, жарты, пацехі, гульні і песні не пакінулі абыякавым нікога.
Сапраўднай разынкай кірмашу сталі духмяныя бліны. Хутка разыходзіліся прысмакі і дары «Святочнага кірмашу».
Удзельнікі адчулі душэўны пад’ём і радасць ад дачынення да роднай культуры. Наогул, зварот да беларускага фальклору дапамагае ў патрыятычным выхаванні дзяцей. Яны спазнаюць сэрцам свой народ, становяцца ўдзельнікамі беларускіх традыцый.
Вялікі дзякуй вучням і іх бацькам за актыўны ўдзел у выставе, педагагічнаму калектыву — за патрыятычнае выхаванне дзяцей, павагу да гісторыі свайго народа, роднага горада, за фарміраванне нацыянальнай самасвядомасці ў падлеткаў.


